रस्त्यावर जर तुम्हाला कोणी टोळी एखाद्या मुलीकडे बघुन काही आगाऊपणा करत असलेले दिसले तर फक्त त्या पोरांकडे 1-2 मिनिट एकटक बघायच , कशी सॉलिड फाटते बघा त्यांची ...
काल संध्याकाळी कैडबरी सिग्नल ( ठाणे ) ला असच झाल , माझ्या गाडीच्या बाजूला एक Activa येवून थांबली , पोरगी दिसायला खरच सुंदर होती , पण थोड़ी घाबरलेली वाटली , तेवढ्यात मागून 2 बाइक वर आलेच 4 हीरो शांताबाई च्या गाण्याचा मोठया आवाजात ठेका धरलेला आणि नजर ह्या पोरी वर खिळलेली , आल माझ्या लक्षात ..
आता खाली उतरून जाब विचारायला जागा सुद्धा नव्हती , काचा खाली केल्या आणि एकटक त्या पोरांकडे बघायला लागलो ( हे कोल्हापूर , सांगली , सातारा च्या पोरांना बरोबर जमत , ज्याला शिकायच असेल तर फुकट शिकवु , तसही विधायक कामांना आम्ही जात , धर्म , पक्ष विसरून पाठिंबा आणि सहकार्य देतच असतो असो)
लगेच मागच्या सीट वर बसलेल्या आणि गान न म्हणाऱ्या पोरानी समोरच्या पोरांच्या कानात काहीतरी खुसपुस केली , एक वेळ माझ्या कड़ , माझ्या गाड़ीकड़ बघितल आणि गाड्यांच्या गर्दीतून वाट काढत काढत गेले धूम ....
आपल्याकडे ना सुरुवात करावी लागते , एकदा सुरुवात करा आणि जर अंगावर आलेच कुणी तर पोरींच्या भल्यासाठी तुम्ही झगड़ताय म्हटल्यावर तुम्हाला सपोर्ट ची चनचन नाही भासणार , खुप लोक येतील सोबत..
त्या पोरगीन जाता जाता thumps up सारखा दाखवलेल्या अंगठयाने मावळ ती कड़े झुकलेला सूर्य सुद्धा थोड़ा आश्वासक भासला...
स्कोर्पियो डायरीज़.....
No comments:
Post a Comment